تعريف اعادة التوجيه

**فما اعادة توجيه في الصيف ؟
 في الحقيقة مفماش بلاغ واضح  أعادة توجيه في الصيف ، لانو في الأعلانات ألي يهبطو في مواقع الجامعات يقلك "" نقل في نفس الشعبة أو الاختصاص فقط " و يقلك "" أي ملف لتغيير الشعبة يقع رفضه " ، لكن فما حلات يقبلو فاهم الأعادة توجيه بالملفات .... يعني انتي تعمل ملف و تجرب زهرك ...أما فما جامعات وقت التسجيل تلقى خانة متع اعادة توجيه كيما  جامعة المنستير و تونس  . لكن مايعنيش انو مايقبلوش .. بل كل سنة هنالك العديد من الطلبة يتقبلو في اعادة توجيه بالملفات لكن فما برشا حاجات مربوطة  بالقبول هذا و في بقية المنشور باش نزيد نفسر أكثر .
------------------------
**الشعب الكل نجم نجرب فيهم ملف اعاة توجيه ؟؟

أكيد لا !!! فما شعب منغير ماتكسر راسك مايقبلوش فاهم لانهم شعب سواء تكون عالية في السكور أو المستوى و لا شعب تكون ذات اختبار و تكون موش متواجدة برشا ....مثل الطب و الرياضة و علوم التربية و الصحافة و البربا ألخ. ...هاذم مستحيل يقبلوك فيهم .... و فما شعب كيف الشبه طبي كيف يبدا واحد عندو 17 في الباك و مشا بربا و بعد يحب يبدل شبه طب بالملفات ...هكاكة تمكن فما أمكانية لانو سكورو قويي برشا 
------------------------
**الحالات ألي يقبلو فاهم أعادة توجيه :
الحالات هوما وقتلي مثال واحد جايب 144 في الباك و بعد عدا سنة بيضاء أو ماعجبتوش قريتو ، و يحب يبدل و يطلب حاجة سكورها متع واحد جايب 11 و 12 معدل ...يعني مستوا متاعو خير من مستوى الطلبة ألي في الشعبة هاكي وقتها فما أمكانية انو يقبلوه ....و أمكانية 20% زادت .يعني أهم شيء هو مستوى متاعك و معدلك في الباك يكون عندو دور و أيضا الملف ألي باش تعملو ........ دوونك اعادة توجيه بالملف صعيبة برشاا لكن ممكنة  ...أو فما حالات  واحد يمشي يتصل مباشرة بالوزارة أو الجامعة كي تبدا عندو ضروف خاصة برشا و لازمو يبدل القراية أما ألي يحب يجرب و- يعمل ملف ....يجرب دجا بلاش فلوس الملف و بالك يقبلوه ...و لا كيما قلت انتي جايب في الباك معدل خير برشا من الحاجة ألي تحب تبدلها ........و أيضا . فما حالة أخرى عندهم أكثر فرصة جماعة prépa .......لانو دجا في البربا لو ترسب سنتين يقع توجيهك لشعبة علمية اجازة في أحد كليات العلووم .، يعني واحد يقرا prépa ينجمو يقبلوه في شعبة في كلية العلوم حسب عدد البقاع و معدلو في الباك و سكور الشعبة ...ألخ ....و كيما قلت في كل الأحوال تنجم تجرب و كهو .و زادة لازم ماتشرطش برشا مثال انتي تحب أعلامية اعملها في بلاصة بعيدة ...وسط أو جنوب موش طلب مثال ISI اريانة ألي سكورها 150 ...فما لوجيك في الحكاية ...دونك اطلب حاجة في بلاصة بعيدة هكاكة تتقبل فيها و أقرى عام و بعد نقل 
--------------------

**متى تجرى اعادة توجيه بالملفات  ؟
اعادة توجيه  تصير مابين آخر جوان حتا آخر جويلية و كل جامعة و الأوقات متاحها ... و في الموقع هذا تكون فما متابعة أول باول 
--------------
**كيفا نعمل اعادة توجيه بالملفات  ؟
اعادة توجيه  تصير عن طريق تصب ملف متاعك في الجامعة ...مثال انتي حاشتك باش تبدل   ISG سوسة  ...دونك تصب الملف في جامعة سوسة ، يعني تعمل dossier فيه الأوراق اللازمة و تبعثو لجامعة عن طريق البريد مضمون الوصول .. و تنجم تعمل العديد من الملفات ..يعني تبعث لجامعة تونس واحد و جامعة قرطاج واحد و منار واحد ألخ ....و في أعلانات ألي في الصيف باش تلقاو أعلانات نقل كيف ماقلت لكن تنجم تعمل انتي ملف لاعادة توجيه و انتي حس الملف متاعك يكون القبول أو رفض 
--------------
**كيفا نعمل الملف هذا ؟

مابين آاخر جوان و أول جويلية كل جامعة ( جامعة المنار ، جامعة تونس ، جامعة قرطاج ألخ ... )  تهبط أعلانات ....تقوم بالتسجيل سواء عن بعد أو تقوم بتحميل وثيقة التسجيل و تحضر أوراق اللازمة و تبعثهم لجامعة بالبريد مضمون الوصول و في الموقع هذا فما وين مفسر الأوراق 

--------------
**كيف يقبلوني نتحسب مدوبل في قرايتي متع سنا ؟ 
 لاسف نعم ، كانك مقريتش و معملتش سنة بيضاء باش تتحسب مدوبل و زيد معندكش حق في البورص

​

 وثائق اعادة التوجيه

++الأوراق العادية :
نسخة من كشف أعداد البكالوريا
نسخة من شهادة تأجيل الترسيم عند الاقتضاءة
نسخة من كشوف الأعداد المتحصل عليها خلال الدراسات الجامعية
نسخة من آخر ترسيم جامعي
نسخة من بطاقة التعريف الوطنية
ظرفان خالصا معلوم البريد يحملان عنوان المترشح و الترقيم البريدي
++الأوراق الأجتماعية 
-بطاقة علاج مجاني
بطاقة علاج ذات تعريفة منخفضة
بطاقة إعاقة
مضمون وفاة أحد الوالدين
نسخة من حكم طلاق الوالدين
مزمن شهادة تثبت إصابة أحد الوالدين بمرض
بطاقات أعداد الإخوة التلاميذ
شهائد الترسيم للإخوة الطلبة
شهادة في الخصم من المورد
شهادة بيانية في الأجر
ما يثبت عمل أحد الوالدين بالخارج
عقد زواج وشهادة عمل أحد القرينين للتقريب بين الأزواج
وثيقة رسمية تثبت أن المعني بالأمر أحد أبناء جرحى أو
شهداء الثورة
أية وثيقة أخرى من شأنها إثبات الحالة الاجتماعية
شهادة اقامة
++الأوراق الصحية 
 أي وثيقة أو ملف صحي ثثبت أن طالب يعاني من مرض مزمن أو مرض يطلب العناية أو مرض نفسي أو مرض خطير أو مرض منذ مدة ألخ ..من الوثائق الصحية
++أوراق أخرى 
 أي ورقة أخرى كيما مثال بوك مريض أو تعمل مطلب مكتوب باليد يصحلك فيه العمدة يدل على انكم تعانيو ضروف صعبة أو أنك مشارك في جمعية رياضية أو خيرية أو أنك تخدم باش تعاون داركم ألخ ..هذا الكل تنجم أتحطو
ملاحظة : 
 الأوراق خاصة الطبية مذابيك تعملها من تو لانو كي يشوفوك عامل شهادة طبية في جويلية معناها يقلك هذا بلعاني عمل  يحب ينقل 

​

مطلب اعادة توجيه

 بخصوص المطلب متع أعادة توجيه ..المطالب ألي في المواقع باش تلقاوها بنسبة 90% مطالب  نقل و اعادة ادماج ألخ ...فماش مطلب متع أعادة توجيه ...المطلب هذا انتي أكتبو بيدك وحدك باسم مدير المعهد كي باش تبعث للفاك و باسم رئيس الجامعة كي باش تبعث لجامعة ..و تحضر الوثائق اللازمة و تبع الكلام المفسر في الموقع هذا ...و المطلب ماتبعثو الا مابعد ماتهبط الجامعات الاعلانات لكن لازم يبدا في بالك انو نسبة القبول ضعيفة و هي فقط محاولة   

​

​

​

​

​

​

​

​

​

​

​

​

​

​