تعريف النقلة

ما معنى نقلة بالملفات ؟
 النقلة هي الطالب يبدل من فاك لفاك أخرى في نفس الشعبة أو الأختصاص و ألا اختصاص مشابه ....ييعني تبدا نفس الشعبة و حتى كان موش نفس الاختصاص زادت نورمال ...لكن نفس الشعبة يعني مثال تبدا عام اجازة أساسية في التصرف و ماخو اختصاص محاسبة تنجم تنقل فاك أخرى يبدا مفهاش محاسبة كاختصاص أما لازم تكون نفس الشعبة يعني اجازة أساسية في التصرف و كان فما تغير في الاجازة تولي وقتها اسمها أعادة توجيه
----------
هل النقلة تشمل جميع الشعب ؟
نعم تقريبا تشمل جميع الشعب ... كانش ساعات فما بعض الشعب ألي عادي مايقبلوش فيهم حتى مطلب نقلة ...لكن théoriquement تشمل كل الشعب ألي موجودين في أكثر في فاك
----------
من يقوم بالنقلة ؟
 أي طالب عندو ضروف أجتماعية أو صحية أو حتى أكاديمية و يحب يعمل نقلة باش يقرب لمقر السكنى متاعو هو ألي ينجم يعمل نقلة أو طالب عندو ضروف أو مشاكل في الفاك ألي يقر فها باش يبدل أو زادت طالب يحب يقر في فاك أخرى المستوى فاها يكون خير لانو شاف روحو مستوا متاعو قوي ...و غيرها من الاسباب ...يعني كيف تحب تبدل يكون عندك سبب موش "" هكاكة" 
-----------
متى تجرى النقلة ؟
النقلة تصير مابين آخر جوان حتا آخر جويلية و كل جامعة و الأوقات متاحها ...
--------------
كيفا نعمل النقلة ؟
النقلة تصير عن طريق تصب ملف متاعك في الجامعة ...مثال انتي حاشتك باش تنقل ا ISG تونس ...دونك تصب الملف في جامعة تونس ، يعني تعمل dossier فيه الأوراق اللازمة و تبعثو لجامعة عن طريق البريد مضمون الوصول .. و تنجم تعمل العديد من الملفات ..يعني تبعث لجامعة تونس واحد و جامعة قرطاج واحد و منار واحد ألخ ....
--------------
كيفا نعمل الملف هذا ؟

مابين آاخر جوان و أول جويلية كل جامعة ( جامعة المنار ، جامعة تونس ، جامعة قرطاج ألخ ... )  تهبط أعلانات ....تقوم بالتسجيل سواء عن بعد أو تقوم بتحميل وثيقة التسجيل و تحضر أوراق اللازمة و تبعثهم لجامعة بالبريد مضمون الوصول 

​

وثائق النقلة

++الأوراق العادية :
نسخة من كشف أعداد البكالوريا
نسخة من شهادة تأجيل الترسيم عند الاقتضاءة
نسخة من كشوف الأعداد المتحصل عليها خلال الدراسات الجامعية
نسخة من آخر ترسيم جامعي
نسخة من بطاقة التعريف الوطنية
ظرفان خالصا معلوم البريد يحملان عنوان المترشح و الترقيم البريدي
برنامج الدراسات بالمؤسسة الأصلية بالنسبة للنقل الخاصة بالطب، الصيدلة وطب الأسنان في صورة توفره
++الأوراق الأجتماعية 
-بطاقة علاج مجاني
بطاقة علاج ذات تعريفة منخفضة
بطاقة إعاقة
مضمون وفاة أحد الوالدين
نسخة من حكم طلاق الوالدين
مزمن شهادة تثبت إصابة أحد الوالدين بمرض
بطاقات أعداد الإخوة التلاميذ
شهائد الترسيم للإخوة الطلبة
شهادة في الخصم من المورد
شهادة بيانية في الأجر
ما يثبت عمل أحد الوالدين بالخارج
عقد زواج وشهادة عمل أحد القرينين للتقريب بين الأزواج
وثيقة رسمية تثبت أن المعني بالأمر أحد أبناء جرحى أو
شهداء الثورة
أية وثيقة أخرى من شأنها إثبات الحالة الاجتماعية
شهادة اقامة
++الأوراق الصحية 
 أي وثيقة أو ملف صحي ثثبت أن طالب يعاني من مرض مزمن أو مرض يطلب العناية أو مرض نفسي أو مرض خطير أو مرض منذ مدة ألخ ..من الوثائق الصحية
++أوراق أخرى 
 أي ورقة أخرى كيما مثال بوك مريض أو تعمل مطلب مكتوب باليد يصحلك فيه العمدة يدل على انكم تعانيو ضروف صعبة أو أنك مشارك في جمعية رياضية أو خيرية أو أنك تخدم باش تعاون داركم ألخ ..هذا الكل تنجم أتحطو
ملاحظة : 
 الأوراق خاصة الطبية مذابيك تعملها من تو لانو كي يشوفوك عامل شهادة طبية في جويلية معناها يقلك هذا بلعاني عمل يحب ينقل 

​

توضيحات

*كي نعمل نقلة نتعدى سنة ثانية و كان مدوبل كيفا ؟
 أي طالب عمل نقلة و هو ناجح في المعهد متاعو يتعدى سنة ثانية بالطبع و لكن كانو مدووبل ييعاود سنة أولى و يتقيد مدوبل و كان عندو مواد هاززهم و يبداو نفس المواد ألي قراهم في الفاك القديمة موجودين في الفاك الجديد ميعاودهمش
----------------
*أنا عملت أعادة توجيه في مارس سنا  و نجحت، نجم نعمل نقلة في الشعبة ألي نجحت فيها ؟
لا ....العام الجاي تعمل بعد ماتقرا عام ساعة .

------------------

* نجم نقل وأنا مدوبل أو موش عام سنة بيضاء ؟ 

نعم تنجم لكن كيف تبدا ناجح تكون حظوظك أوفر خاصة اذا ماعندكش أسباب صحية أو أجتماعية 

------------------

* نجم نعمل برشا مطالب متع نقل ؟

أكيد تعمل قد ماتحب ، كل جامعة تنجم تصب فيها مطلب و مبعد تختار ألي يساعد كان قبلوك في أكثر من اختيار 

-----------------------

** نجم نعمل نقلة و تغير مسار في نفس الوقت ؟ 

نعم تنجم لاكن صعيب على الآخر القبول لانو 99% مطالب تعديل أو تغير مسار يكونو في نفس الفاك 

----------------------

* الفاك متاعي عندها دخل في قرار قبولي أو لا في النقلة ؟

أكيد لا ماعندها حتى دخل 

----------------------

* نجم نقل لل ISET ؟ 

نعم أما لازم أنتي تبدا تقرى ديجا في ISET في نفس الشعبة  

------------------------

* أنا مازلت معديتش امتحانات شنعمل في الأوراق ؟

هو أول شيء النقلة الأجال متاحها يقعدو حتى آخر جويلية تقريبا ..دونك تنجم تكون دجا عديت و خديت بطاقة الأعداد و لو فرضنا مخلطش تنجم تبعث المطلب متاعك و تكتب انو الفاك متاعكم مازالت معداتش الأمتحانات أو مخذيتوش بطاقة الأعداد و تنجم تخلطها  مبعد 

-------------------------

** عندي ألحق في بورص و مبيت ؟ 

أحسب روحك قعدت في نفس الفاك متاعك ، دونك كانك مدوبل ميكونش عندك ألحق في البورص و كان ناجح أي و المبيت كانك طفل تعمل اسعاف بالسكن حتى كان ماخذيتش حتى مرة و الطفلة كانها عامها الثاني تعمل تجديد سكن و كانو الثالث تعمل اسعاف .

​

ارسال المطالب

ارسال الملفات يكون بالبريد المضمون الوصول الى الجامعة أو تهزو مباشرة ، و في الأجال المحددة في الأعلانات كما تنجم تبعث نفس الملف للفاك لكن حتى الجامعة تكفي 

---------------
و تنساش تكتب على الجواب مطلب نقلة جامعية 
---------------

ملاحظة بالنسبة لوثائق : 

من جملة الوثائق هي بطاقة أعداد ألسنة أولى في الفاك ....ألي عمل سحب ترسيم عندو وثيقة سحب الترسيم و ألي معملش عندو بطاقة أعداد و تنجم تكون فيها أسفار اذا انتي ماتمشيش تقرى لكن عندك منها و فما  بعض الفكات يعطيو بطاقة الأعداد مخر ..و حتى آخر الصيف دونك حاول انتي آخر العام تحرص عليها لانها لازمة , و كان شفت انو آخر أجل متع ارسال الملف قريب يوفا و مازلت متحصلتش عليها ، ابعث منغيرها و اكتب في الملف ألي الفاك مزالت مابعثتش و بعد لحقها وحدها

​

نتائج النقل

النتائج تهبط مخر برشا .... آخر أوت أو أول سبتمبر و حتى ساعة بعد ماترجع تقرى ...دونك أي واحد باش يقدم مطلب يقعد مايعملش تسجيل حتى لاخر لحظة يشوف النتيجة و بعد كيف يقبلوه يعمل اجراءات الترسيم و يمشي لديوان الخدمات من أجل مطلب المبيت و البورص ....و كان بطاو برشا وقتها تاخوش ريسك و أمشي رسم في الفاك متاعك و في نفس الوقت عس على النتيجة

​

​

​

​

​

​

​

​

​

​

​

​